Xalqaro o'quv treninglari o'tkazilmoqda

Nizomiy nomidagi O‘zbekiston Milliy pedagogika universitetining tarix fakultetida "Zamonaviy o‘qitish strategiyalari va innovatsiyalar" mavzusida xalqaro o‘quv-trening mashg‘ulotlarining ochilish marosimi bo‘lib o‘tdi. Ushbu o‘quv mashg‘ulotlari turkiy davlatlar ta’lim muassasalari va xalqaro hamkorlar o‘rtasida ta’lim sohasida o‘zaro hamkorlikni rivojlantirish maqsadida tashkil etilgan. Tadbirda 50 ga yaqin xorijiy mutaxassislar va universitet professor-o‘qituvchilari ishtirok etmoqda. Mashg‘ulotlar 28 martgacha davom etadi.