Ta'lim dasturlarimiz xalqaro akkreditatsiyadan o'tdi

Nizomiy nomidagi O‘zbekiston Milliy pedagogika universitetining ta’lim dasturlari Germaniyaning ACQUIN xalqaro akkreditatsiya tashkiloti tomonidan olti yil muddatga to‘liq akkreditatsiyadan o‘tkazildi. Ta’lim dasturlari: Bakalavriat: - Chet tili va adabiyoti (nemis tili) - Chet tili va adabiyoti (ingliz tili) Magistratura: - Chet tili va adabiyoti (ingliz tili) Ushbu ta’lim dasturlari xalqaro mutaxassislar tomonidan kompleks ekspertizadan o‘tkazildi. Dasturlar mazmuni, o‘qitish metodikasi, o‘quv-uslubiy ta’minoti, shuningdek, xalqaro standartlarga muvofiqligi yuqori baholandi. Ushbu yutuq talabalar uchun yangi imkoniyatlar ochadi, professor-o‘qituvchilar uchun esa yangi marralarga erishish yo‘lidagi muhim qadam sifatida baholanadi.